Слухаць у асобным акне
Прама зараз
12.00 Навіны.
В эфире:

Маладыя таленты Беларусі

1 сакавіка Першы нацыянальны канал Беларускага радыё пачынае прыём заявак на ўдзел у VIII Рэспубліканскім творчым радыёконкурсе "Маладыя таленты Беларусі".

Конкурс праводзіцца з сакавіка па красавік па шасці  намінацыях: "Эстрадны вакал (салісты)", "Эстрадны вакал (ансамблі)", "Інструментальная музыка (салісты)", "Інструментальная музыка (ансамблі)", "Спадчына (салісты)",  "Спадчына (ансамблі)".

Удзел у творчым спаборніцтве могуць прыняць маладыя людзі ва ўзросце ад 10 да 21 года, навучэнцы дзіцячых музычных школ, сярэдніх спецыяльных навучальных устаноў, удзельнікі музычных і эстрадных студый, студэнты вышэйшых навучальных устаноў.            

Заяўкі прымаюцца да 31 сакавіка 2019 года (уключна) па адрасе: 220114, г. Мінск, вул. Чырвоная, д. 4 альбо па электронным адрасе: talentbelarus@gmail.com з пазнакай "Маладыя таленты Беларусі - 2019".

Тэлефон для даведак: 8 017 284 32 05.

Падрабязная інфармацыя, навіны радыёконкурсу, вынікі тураў будуць размешчаны на сайце Першага нацыянальнага канала Беларускага радыё www.radio1.by і на афіцыйных старонках канала ў сацыяльных сетках.

Аб ўсіх падрабязнасцях радыёконкурсу можна таксама даведацца ў перадачы "Маладыя таленты Беларусі", якая выходзіць у эфір Першага нацыянальнага канала Беларускага радыё ў нядзелю ў 11:20.