Святыні Вілейшчыны: Свята-Троіцкі храм ў Даўгінаве – «Святло душы»

• Передача: Свет души
• Дата: 19.10.2024

<p style="text-align: justify;">
    Знаёмы гэты мне шлях родны, –<br>
     Даўгінаўскі вядомы шлях!<br>
     Які нёс годных і нягодных<br>
     На векавых сваіх плячах…<br>
<br>
     … Пісаў Янка Купала ў сваім вершы «Па Даўгінаўскім гасцінцы». Гэта быў шлях паэтаў, па якім пралягалі жыццёвыя пуцявіны Ядвігіна Ш. –літаратурны псеўданім Антона Лявіцкага – аднаго за пачынальнікаў беларускай літаратуры, Змітрака Бядулі – літаратурнае прозвішча Самуіла Плаўніка, ен жыў і вучыўся ў Даўгінаве, Тамаша Зана, кампазітара Фларыяна Міладоўскага. <br>
<br>
     Даўгінава ганарылася сваімі кірмашамі, таму цягнуліся сюды па гасцінцы вазы рознага гандлёвага люду. І само мястэчка славілася майстрамі, працавала фабрыка па вырабе якаснай воўны.<br>
<br>
     Пра адметны статус Даўгінава сведчаць дзве яе старадаўнія культавыя пабудовы – касцел святога Станіслава і Троіцкая царква. Захаваўся яе летапіс, у якім шмат цівавых гістарычнах звестак. У храме нас сустракае настацель айцец Іаан Ліннік. Айцец Іаан шмат разоў гартаў старонкі старога царкоўнага летапісу, і зараз памяць падказвае мноства цікавых падзей.<br>
<br>
     Фота: sb.by
</p>