АФІША «ТЭАТРА БЕЛАРУСКАГА РАДЫЁ» з 27.11 па 3.12.2023

На працягу тыдня з 27 лістапада па 3 снежня праект «Тэатр Беларускага радыё» прапануе сваім слухачам наступныя радыёпастаноўкі:

27 лістапада – музычны радыёспектакль «Ізноў Чырвоная Шапачка» па п’есе пісьменніка Артура Вольскага, музыка кампазітара Уладзіміра Кандрусевіча;

28-30 лістапада – да 200-годдзя класіка беларускай літаратуры Уладзіслава Сыракомлі радыёспектакль «Магнаты і сірата. Соф’я, князёўна Слуцкая» па аднайменнай гістарычнай драме;

1-2 снежня – радыёспектакль «451 градус па Фарэнгейту» паводле рамана-антыўтопіі амерыканскага пісьменніка-фантаста Рэя Брэдберы;

3 снежня – радыёспектакль «Сцяжынкі-сцяжыначкі» па п’есе пісьменніцы Алы Саскавец.

«Тэатр Беларускага радыё» у эфіры кожны вечар з 22.05 да 23.00 (і пасля апоўначы – з 2.05 да 3.00).