Анонс: «Неюбілейныя развагі пра творчасць» – «Творчы вечар» з Галінай Шаблінскай, 25.05.2023

Адкрыццё навакольнага свету, яго самых глыбінных праяў ідзе з чалавекам скрозь па жыцці. І ва ўладзе кожнага з нас рабіць сабе маленькія святы, без якіх усё здаецца аднолькава шэрым і панылым. Асаблівую прывілею ў гэтым занятку, мне думаецца, маюць людзі творчыя. Ужо хаця б па той прычыне, што яны самі ўмеюць прыкмячаць шматколернасць жыццёвых праяў. І здольныя патлумачыць іншым у мастацкім слове тое новае і цікавае, што іх вельмі ўразіла.

«На скрыжалях лёсу і гісторыі або неюбілейныя развагі пра творчасць» – так вызначана тэма літаратурнага «Творчага вечара».

Госць студыі – намеснік старшыні Беларускага фонду культуры, член навукова-метадычнай рады па ахове гісторыка-культурнай спадчыны пры Міністэрстве культуры Рэспублікі Беларусь, пісьменнік і перакладчык, сёлетні 75-гадовы юбіляр АНАТОЛЬ БУТЭВІЧ.

Паразважаем пра сам панятак «творчасць» у розных рэтраспекцыях.

Эфір: 25 мая ў 21.05.