“Асноўная частка таго, што трэба адрадзіць, знаходзіцца яшчэ ў архівах…” – “Беларуская калекцыя”, 12.10.2016

Віктар Скорабагатаў: “Асноўная частка таго, што трэба адрадзіць, знаходзіцца яшчэ ў архівах”.
Імя гэтага чалавека – сінонім адраджэння беларускай музычнай спадчыны, пра якую ён можа расказваць гадзінамі. Яго энцыклапедычныя веды не могуць не ўражваць, а апантанасць і сапраўдная шляхетнасць гэтай асобы не можа не захапляць. 12 кастрычніка ў гасцях “Беларускай калекцыі” сустракаем стваральніка і нязменнага мастацкага кіраўніка творчага калектыву “Беларуская Капэла”, заслужанага артыста Рэспублікі Беларусь Віктара Іванавіча Скорабагатава. Пачатак эфіру ў 21.30.