“Лучше нету того цвету” - “Рэтра”, 13.10.2016

У 20.20 будзем узгадваць спявачку, чый голас на працягу 50-х-60-х гадоў амаль кожны дзень гучаў у радыёэфірах і нават лічыўся голасам эпохі.
“Калитка”, “Моя родная сторона”, “Лучше нету того цвету”…
Памятаеце гэтыя песні?
Сапраўды, іх спявала артыстка з унікальным голасам - Вікторыя Іванова.  Яе называлі Марыяй Калас камернага спеву.
Велізарны рэпертуар складаўся з музыкі эпохі барочнай, класічнай і рамантычнай – рускай і заходнееўрапейскай. Яна спявала Бетховена, Шуберта і Шумана… Але не толькі класічны камерны рэпертуар прынёс спявачцы вядомасць.