Новая сустрэча ў фармаце “жывы гук” - “Тэрыторыя гуку” 10 верасня 2016

У Вялікай студыі Дома радыё працягваюцца музычныя сустрэчы ў фармаце “жывы гук”. 10 верасня госцяй Аліны Страшкевіч стане беларуская спявачка, удзельніца шматлікіх музычных праектаў, стваральніца трыа “Dzivasil” Інна Перасецкая-Малаковіч. У “Тэрыторыі гуку” пачуем яе сольную праграму, якую яна выканае пад уласны акампанемент на раялі. Упершыню ў праекце зайграе і чэлеста, у суправаджэнні якой таксама пачуем некалькі песень Інны Перасецкай-Малаковіч. Іграць на гэтым інструменце яна, дарэчы, будзе ўпершыню.