“Сапраўднае старажытнае…” -“Беларуская калекцыя”, 11 жніўня 2016

    11 жніўня праграма “Беларуская калекцыя” будзе напоўнена ўнікальнымі беларускімі спевамі, старажытнымі песнямі ў самым блізкім да гістарычнай сапраўднасці выкананні. Адметнасць  беларускага фальклору – голасны жаночы спеў, а самы аўтарытэтны ў гэтым стылі выканання калектыў – мінская група «Guda”.  Яна  збірае народныя песні,  аднаўляе іх і  вяртае сучаснаму слухачу. Многа розных праграм запісала група «Guda”. 11 жніўня будуць гучаць вясельныя песні са спецыяльнай праграмы, са спецыяльнага альбома, што называецца «Вяселле». Госця эфіру – фалькларыст, кіраўнік ансамбля «Guda” Вікторыя Міхно.