Госць "Радыёфакта" - Пасол Ірана ў Беларусі Саід Яры

• Дата: 18.06.2021

Важная палітычная падзея чакае сёння Іран, якая вызначыць далейшую знешнюю і ўнутраную палітыку Тэгерана. У Ісламскай Рэспубліцы пройдуць 13 прэзідэнцкія выбары. У 133 краінах, дзе ёсць іранскія дыппрадстаўніцтва, будуць адкрыты ўчасткі для галасавання.

Спадар пасол, важная палітычная падзея чакае Іран сёння, якая вызначыць далейшую знешнюю і ўнутраную палітыку Тэгерана. Якія асаблівасці гэтай выбарчай кампаніі?

–Гэта 13 прэзідэнцкія выбары ў Ісламскай Рэспубліцы Іран. Мы праводзім іх у абстаноўцы пандэміі COVID-19. Нягледзячы на ўсе абмежаванні, якія ўзніклі з-за каранавіруса, кампанія праходзіць своечасова. У 133 краінах, дзе ёсць пасольства Ірана, выбары праходзяць. Калі казаць у агульным – створана 233 ўчасткі для галасавання. Адзінае, у трох краінах у грамадзян Ірана няма магчымасці прагаласаваць. Гэта Канада, яе ўрад не падтрымаў і не паспрыяў гэтай магчымасці, у Сінгапуры – з-за каранавірусных абмежаванняў і ўнутранага заканадаўства і ў Емене – там цяпер ваенны канфлікт.

Вяртаючыся да глабальнай праблемы – пандэміі каранавіруса. Як яна паўплывала на электаральную кампанію?

–Вядома, гэта паўплывала на ўсю кампанію. Нягледзячы на ўсе абмежаванні, якія былі і застаюцца, нашы грамадзяне віталі выбары і ўдзельнічалі ў перадвыбарных працэсах. Думаем, што большасць з тых, хто можа галасаваць па заканадаўстве – галасаваць будзе. Правядзенне маштабных прэзідэнцкіх выбараў падчас пандэміі гэта складана. Усе дакументы і рэгламенты па COVID-абмежаванням перададзеныя праз адпаведныя арганізацыі. Просім грамадзян, каб не было масавага натоўпу людзей.

Гледзячы на гэтую і папярэднія палітычных кампаніі, наколькі грамадзяне Ірана палітычна актыўныя?

–Ва ўсіх выбарах грамадзяне Ірана актыўна бяруць удзел. Так, на папярэдніх выбарах прынялі ўдзел каля 70-80 працэнтаў грамадзян, якія маюць права галасаваць. Спадзяемся, у гэтую палітычную гонку іранцы будуць таксама актыўныя, нягледзячы на сітуацыю з каранавірусам. Вядома, мы зразумеем, калі ў гэтым годзе будзе меншы працэнт удзельнікаў. Ісламская Рэспубліка Іран пастаралася, каб гэтыя выбары былі праведзены своечасова.

Як і дзе будзе арганізавана галасаванне ў Беларусі?

–У Мінску ў нас будзе 2 ўчасткі для галасавання. Адзін непасрэдна ў пасольстве Ірана, другі – у Беларускім дзяржаўным медыцынскім універсітэце. Мы ўжо вызначылі для кожнага ўчастка галасавання, хто будзе прысутнічаць з супрацоўнікаў пасольства і хто будзе ўваходзіць у назіральную раду. Дарэчы ва ўсіх краінах, дзе ёсць пасольства Ісламскай Рэспублікі Іран, менавіта пасольства адказвае за правядзенне выбараў.