«Радыёфакт» з Аляксандрам Шустэрам, 26.03.2020 (аўдыё)

• Перадача: Радыёфакт
• Дата: 26.03.2020

Асноўныя тэмы:

Нафтавы манёўр. Стаў вядомы механізм кампенсацыі прэміі расійскім кампаніям, якія пастаўляюць сыравіну ў Беларусь.

Акцэнт – на якасць медыцынскай дапамогі. Новую рэдакцыю Закона «Аб ахове здароўя» разгледзяць на вясенняй сесіі парламента.

Чаму ў Беларусі каранавірус распаўсюджваецца не так, як у Еўропе? Міністр Уладзімір Каранік адказаў на пытанні, якія цікавяць кожнага.

Пад увагай – вадзіцелі-міжнароднікі. Транспартная інспекцыя праверыла месцы для адпачынку і харчавання, у рэйд адправіўся і наш карэспандэнт.

Як уплывае на здароўе экзатычны рацыён? Беларускія вучоныя вылучылі ўласцівасці некаторых іншаземных ягад і круп.

Народная анлайн-карта распаўсюджвання угра з'явілася ў Беларусі. Чым унікальны гэты від і што яму пагражае?

Мультымедыйны экран, дэкаратыўная падсветка і стэнды пра вайну і мірныя дні. Мінчане хутка ўбачаць абноўленую Плошчу Перамогі.

Упершыню ў Беларусі і з міжнародным размахам. У Віцебску адкрылі выставу плакатаў да 100-годдзя творчага аб'яднання «Сцвярджальнікі новага мастацтва».

Навіны з жыцця краіны і свету больш падрабязна, а таксама пра спорт і надвор'е.