«Радыёфакт» з Надзеяй Лысенка, 20.06.2024

• Перадача: Радыёфакт
• Дата: 20.06.2024

Асноўныя тэмы:

Прэзідэнт Аляксандр Лукашэнка арыентуе Федэрацыю прафсаюзаў Беларусі аператыўна рэагаваць на пытанні і патрэбы працоўных. Кіраўнік краіны прыняў з дакладам старшыню арганізацыі.

У Мінску сёння працягнецца II Міжнародная выстава «Нацыянальная бяспека. Беларусь-2024». Форум стаў значнай падзеяй для прадпрыемстваў-распрацоўшчыкаў і вытворцаў у сферы гарантавання нацыянальнай бяспекі.

У выніку шквалістага ўзмацнення ветру напярэдадні ўвечары на тэрыторыі Гродзенскай вобласці зафіксаваны падзенні дрэў, зрывы дахаў жылых дамоў. У выніку падзення дрэва ў Зэльвенскім раёне загінула жанчына.

Сацыяльныя інавацыі і лічбавыя трансфармацыі, партнёрства бізнесу і дзяржавы, разумныя гарады і ўстойлівыя рэгіёны будучыні. Другі Нацыянальны форум па ўстойлівым развіцці сабраў у сталіцы больш за 400 удзельнікаў.

Якасныя прадукты харчавання – сучасны брэнд Беларусі. Аднак перад тым, як іх вырабіць, спачатку неабходна вырасціць. Даведаемся, што прапануюць вучоныя дзеля ўраджаю.

Дата, якую нельга забываць: 80 гадоў таму цалкам спалена вёска Дальва ў Лагойскім раёне. Мемарыяльны комплекс нагадвае аб трагедыі таго часу.

Навіны з жыцця краіны і свету больш падрабязна, а таксама пра спорт і надвор'е.