«Радыёфакт» з Наталляй Сцёпачкінай, 3.08.2023

• Перадача: Радыёфакт
• Дата: 03.08.2023

Асноўныя тэмы:

Моцны характар — яркая гульня! Да старту II Гульняў краін СНД застаецца літаральна дзень. Бяспека на спартыўных аб'ектах, фан-зонах і гастра-лакацыях будзе забяспечана максімальная.

Беларускія аграрыі набліжаюцца да двухмільённай мяжы па намалотах. Жніво ідзе кругласутачна. Паралельна кааператары актыўна нарыхтоўваюць агародніну і ягады.

Узмацніць ролю горада як важнага эканамічнага і вытворчага цэнтра Мінскай вобласці, стварыць умовы для прыцягнення інвестараў да рэалізацыі канкрэтных праектаў, – урад вызначыў стратэгію развіцця Жодзіна да 2030 года.

Цэнтры кампетэнцый будуць створаны ў шэрагу ВНУ Беларусі. Задача – навучанне спецыялістаў, якія павінны працаваць ў сферы лічбавізацыі эканомікі.

У Беларусі плануюць стварыць ІТ-кампанію для дзяцей з аўтызмам – у Гомелі прайшло пасяджэнне кансультатыўнага савета пры Савеце Рэспублікі па пытаннях сацыяльнай адаптацыі і інтэграцыі дзяцей з асаблівасцямі псіхафізічнага развіцця.

Гучна ўвайсці ў шоу-бізнес і стаць артыстам народным – сёння пачынаецца перадкастынг праекта «Фактар.by».

Навіны з жыцця краіны і свету больш падрабязна, а таксама пра спорт і надвор'е.