«Радыёфакт» з Наталляй Сцёпачкінай, 7.09.2023

• Перадача: Радыёфакт
• Дата: 07.09.2023

Асноўныя тэмы:

Афіцыйныя перамовы, падпісанне двухбаковых дакументаў, наведванне прадпрыемстваў, азнаямленне з патэнцыялам беларускіх вытворцаў – Прэзідэнт Рэспублікі Экватарыяльная Гвінея прыбыў з афіцыйным візітам у нашу краіну.

Сваё слова ў развіцці адносін паміж Мінскам і Ташкентам гавораць прадстаўніцы дзелавой супольнасці. Мінск прымаў першы Беларуска-узбекскі жаночы бізнес-форум.

Міністэрства замежных спраў Беларусі на сваім сайце пракаменціравала змены ў парадку выдачы дакументаў дыпламатычнымі ўстановамі. Сёння ўступае ў сілу адпаведны Указ Прэзідэнта.

Усе пастаўленыя мэты дасягнуты, задачы выкананы на высокім якасным узроўні: адбылася актыўная фаза сумеснага аператыўна-стратэгічнага вучэння АДКБ «Баявое братэрства-2023».

Гаспадаркі краіны ўбралі больш за 97% позніх яравых культур. З улікам зернебабовых канчатковы вынік жніва прагназуецца ў больш як 9 мільёнаў тон збожжа.

Моладзь і інфармацыйная прастора – адзінае цэлае: XVI фестываль «Моладзь – за Саюзную дзяржаву» праходзіць у Смаленску.

100 пытанняў і 100 адказаў: у фармаце прэс-канферэнцыі прайшла прэзентацыя новага тэлесезона Белтэлерадыёкампаніі.

Навіны з жыцця краіны і свету больш падрабязна, а таксама пра спорт і надвор'е.