«Радыёфакт» з Яраславам Даніленкам, 16.03.2023

• Перадача: Радыёфакт
• Дата: 16.03.2023

Асноўныя тэмы: Звярнуць увагу на уласныя праблемы заклікаюць беларускія дэпутаты еўрапейскіх калег. Чарговую антыбеларускую рэзалюцыю пракаменціравалі парламентарыі і дыпламаты. Перспектывы супрацоўніцтва з Ленінградскай вобласцю Расіі абмяркоўваем у «Радыёфакце», госць праграмы – губернатар рэгіёна Аляксандр Драздзенка. У Дзень Канстытуцыі юным беларусам уручалі пашпарты, акцыя «Мы – грамадзяне Беларусі!» прайшла па ўсёй краіне. Амаль 10 тысяч ветэранаў і пацярпелых ад наступстваў Вялікай Айчыннай вайны атрымаюць матэрыяльную дапамогу да Дня Перамогі. Паглядзець свабодныя месцы ў дзіцячых садках, аплаціць падаткі, азнаёміцца з заработнай платай і пенсіяй – усе дзеянні даступны на адзіным партале электронных паслуг. Раскажам, як лічбавізуецца краіна. Навіны з жыцця краіны і свету больш падрабязна, а таксама пра спорт і надвор'е.