news.by
«Роздум. Высокая роля мастацтва». Радыёблог Навума Гальпяровіча
- Перадача: Радыёблог
- Дата: 09.01.2023
Трамваяў, машын і людзей.
І музыка цёплыя рукі
На плечы мае пакладзе.
Так я напісаў некалі пасля аднаго з канцэртаў класічнай музыкі ў цудоўнай зале полацкага Сафійскага сабора.
Музыка… Памятаю, з адкрыццём гэтай залы і першым арганным канцэртам пад скляпеннямі Сафійкі, здаецца, сам горад папрыгажэў, напоўніўся нейкай унутранай мелодыяй, нібы разгладзіліся маршчыны ў стомленага і заклапочанага чалавека…
Культура і музыка ва ўсе часы выступалі аб'ядноўваючым фактарам, што гучыць найбольш актуальна цяпер, для ўсяго свету.
Гэта засведчыў адзін з першых у сёлетнім годзе канцэрт «Дружба без межаў» з удзелам славутага італьянскага кампазітара і дырыжора Паола Карломе ў вялікай зале Беларускай дзяржаўнай акадэміі музыкі.
І канцэрт, і рэакцыя гледачоў, і настрой маэстра засведчылі, што менавіта мастацтва робіць свет лепшым, выклікае пачуцці спагады і сяброўства, што так неабходна людзям.
Дакрануўшыся да прыгожага, чалавек спрабуе ўнесці ў сваё жыццё як мага больш прыгожых рэчаў, імкнецца да дасканаласці, становіцца багацейшы душой.
Роля мастацтва ў жыцці чалавека настолькі вялікая, што, аднойчы авалодаўшы звычкай наведваць музеі і мастацкія галерэі, чытаць цікавыя кнігі, паэзію, захочацца дакрануцца да сусветнага духоўнага багацця, знаёміцца з новымі і цікавымі людзьмі, спазнаць мастацкія творы іншых народаў, пазнаёміцца з іх гісторыяй і культурай. Усё гэта прыносіць разнастайнасць і яркія фарбы ў наша жыццё.
Першыя канцэртныя афішы гэтага года:
Чайкоўскі, Іааган Штраус, дырыжор з Германіі Вільгельм Кайтэль, Джузэпэ Вердзі, Моцарт, наш Уладзімір Солтан і цудоўная опера па караткевічскім «Дзікім паляванні караля Стаха»…
І гэта толькі ў Вялікім оперным тэатры.
А наш сімфанічны аркестр Белтэлерадыёкампаніі? Шмат новых прэм'ер, запісаў, канцэртаў.
І спецыялізаваны радыёканал «Культура», як раней, працягвае знаёміць вас з шэдэўрамі сусветнага і айчыннага мастацтва.
Сваркі і звадкі, боль і горыч,
Калі ўсе мы разам ляцім
Да зор?» , – напісаў у далёкім 1915 годзе наш класік Максім Багдановіч. І гэтае яго пытанне востра і эмацыйна гучыць і цяпер.
Як і раней, мы дбаем пра мір і згоду, пра братэрства народаў, пра шчырае добрасуседства.
І ў год, які аб'яўлены Годам міру і стварэння, – неацэнная роля музыкі і паэзіі, выяўленчага мастацтва, усяго таго, што называецца культурай, духоўным багаццем народа.