Прымяненне судамі заканадаўства пры разглядзе грамадзянскіх спраў аб спыненні працоўных дагавораў

Права грамадзяніна на працу як найбольш годны спосаб самасцвярджэння чалавека гарантавана Канстытуцыяй Рэспублікі Беларусь. Канстытуцыйнае права на працу прадугледжвае не толькі магчымасць выбару грамадзянінам сферы прыкладання сваіх прафесійных здольнасцей, але і садзейнічанне з боку дзяржавы ў рэалізацыі гэтага выбару і гарантаванні абароны яго працоўных правоў. У тым ліку – судовай абароны.

Пленум Вярхоўнага Суда Рэспублікі Беларусь у канцы снежня бягучага года звернецца да пытанняў прымянення судамі заканадаўства пры разглядзе грамадзянскіх спраў аб спыненні працоўных дагавораў.

Аб важнасці гэтай тэмы, аб асаблівасцях разгляду судамі дадзенай катэгорыі спраў, а таксама рэкамендацыях, якія Пленум плануе даць судам у парадку тлумачэнняў, мы гутарым з суддзёй Вярхоўнага Суда Рэспублікі Беларусь Ганнай Сакалоўскай.