news.by
У памяць аб Марыі Дзмітрыеўне Каменскай – «Творчы вечар» з Галінай Шаблінскай
- Перадача: Творчы вечар
- Дата: 09.02.2023
«Табой я жыў, табой жыву...» – гэтыя радкі народнага паэта Беларусі Якуба Коласа сталіся назвай кнігі, што выйшла ў «Выдавецкім доме «Звязда» і прысвечана яго жонцы Марыі Дзмітрыеўне Каменскай.
Укладальнікі новага выдання – нашчадкі класіка: унучка Вера Міцкевіч – навуковы супрацоўнік Цэнтра даследаванняў беларускай культуры, мовы і літаратуры НАН Беларусі, і праўнучка Васіліна Міцкевіч – галоўны захавальнік фондаў Дзяржаўнага літаратурна-мемарыяльнага музея Якуба Коласа.
Пад адной вокладкай сабраны ўнікальныя матэрыялы з музейных фондаў і сямейнага архіва, успаміны сваякоў, блізкіх людзей з асяродка Коласа, дакументы, невядомыя фотаздымкі, мастацкія творы-прысвячэнні Марыі Дзмітрыеўне.
Пра задумку і канцэпцыю кнігі, а таксама ролю жанчыны ў лёсе паэта пойдзе гутарка з госцяй праграмы – Верай Данілаўнай Міцкевіч.
Вершы Якуба Коласа прагучаць у выкананні заслужанага артыста Беларусі Анатоля Жука. Запіс з фондаў Беларускага радыё 2007-га года.
Праграма за 9 лютага ў 21.05.