10 дзён на пасеў ранніх яравых — «Свая зямля», 7.04.2018

Нават у выхадныя механізатары сельгаскомплекса «Дуброва» ААТ «Магілёўліфтмаш» не змяньшаюць тэмп работ — уся пасяўная тэхніка сёння працуе ў поле. Асноўная нагрузка кладзецца на высокаэнергетычныя машыны і агрэгаты. Каб не дапусціць прастояў, арганізавана дзяжурства службы тэхнічнай дапамогі. За 10 рабочых дзён плануецца поўнасцю пасеяць раннія збожжавыя. У новым сезоне тэхнолагі раслінаводства пераходзяць на інтэнсіўныя сістэмы агратэхнікі ў вырошчванні высокадаходных зернебабовых. Акцэнт зроблены на вытворчасць бялковых культур. Уласныя кармы стануць надзейным рэзервам зніжэння сабекошту сельгаспрадукцыі і павышэння яе канкурэнтаздольнасці. Госць праграмы «Свая зямля» — выконваючы абавязкі дырэктара сельгаскомплекса «Дуброва» Сяргей Валюшкін — падзеліцца сакрэтам аздараўлення АПК. У другой частцы аўтар праграмы Святлана Башылава прапануе наведаць сельскія крамы Лагойскага раённага спажывецкага таварыства і пазнаёміцца з прафесіяналамі сваёй справы. Да Вялікадня ўтрая вырас попыт на кулічы, фірмовую прадукцыю цэхаў перапрацоўкі. Да 30 працэнтаў сямейнага бюджэту вяскоўцы эканомяць, калі купляюць любімыя прадукты ў мясцовых крамах. Эфір — 7 красавіка ў 6-20.