АФІША «ТЭАТРА БЕЛАРУСКАГА РАДЫЁ» з 3 па 9 студзеня 2022

На працягу тыдня з 3 па 9 студзеня 2022 года праект «Тэатр Беларускага радыё» прапануе сваім слухачам наступныя радыёпастаноўкі:

Да 75-годдзя з дня нараджэння пісьменніка Георгія Марчука:

3-5 студзеня – радыёспектакль «Адгукніся, браце!» па аднайменнай п’есе;

5 студзеня – інсцэніраванае апавяданне «Візіт»;

6 студзеня – прэм’ера паводле цыкла эсэ «Святы майго юнацтва».

Акрамя таго:

7 студзеня – радыёверсія спектакля Нацыянальнага акадэмічнага тэатра імя Янкі Купалы «Шляхціц Завальня» паводле кнігі пісьменніка Яна Баршчэўскага «Шляхціц Завальня або Беларусь у фантастычных апавяданнях»;

8 студзеня – радыёспектакль «Калядная рапсодыя» паводле аднайменнага апавядання пісьменніка Уладзіміра Караткевіча;

9 студзеня – музычны радыёспектакль «Ізноў Чырвоная Шапачка» па п’есе драматурга Артура Вольскага, музыка кампазітара Уладзіміра Кандрусевіча.

«Тэатр Беларускага радыё» у эфіры кожны вечар з 22.05 да 23.00.