Падзяліцца:
21 Снежня 2015

21 і 22 снежня – радыёкампазіцыя спектакля Нацыянальнага акадэмічнага тэатра імя Янкі Купалы “Платон Крэчат” паводле п’есы Аляксандра Карнейчука. Рэжысёр – народны артыст СССР Леанід Рахленка. У галоўнай ролі Платона – народны артыст Беларусі Іван Шаціла. Год запісу – 1953.

23 і 24 снежня - радыёспектакль “Пунсовыя ветразі” паводле аднайменнай кнігі Аляксандра Грына. Рэжысёр Валянціна Кернажыцкая. У галоўных ролях Асоль і Грэя – артыстка Таццяна Баўкалава і заслужаны артыст Рэспублікі Беларусь Аляксандр Шароў. Год запісу – 1985.

25 снежня - радыёверсія моспектакля Нацыянальнага акадэмічнага тэатра імя Янкі Купалы “Шляхціц Завальня” паводле вядомай кнігі Яна Баршчэўскага “Шляхціц Завальня або Беларусь у фантастычных апавяданнях”. Выканаўца --  народны артыст СССР Генадзь Аўсяннікаў. Аўтар інсцэніроўкі і рэжысёр Уладзімір Савіцкі, рэжысёр радыёверсіі  Ліка Пташук,  гукарэжысёр Дзмітрый Паўлаў. Год запісу – 2014.

25 снежня – музычная радыёпастаноўка “Сіняя світа налева пашыта” паводле беларускай народнай казкі. Музыка Зміцера Яўтуховіча, песні на словы Валянціны Аколавай і Віктара Шніпа. У галоўнай ролі хлопца Андрэя-Сіняй світы – народны артыст Беларусі Сяргей Журавель. Год запісу – 1992.

26 і 27 снежня - радыёспектакль “Прыгоды Эміля з Лёнебергі” паводле аднайменнай кнігі шведскай пісьменніцы Астрыд Ліндгрэн. Рэжысёр Валянціна Кернажыцкая. У галоўнай ролі Эміля  – заслужаная артыстка Рэспублікі Беларусь Вера Кавалерава. Год запісу – 1998.

Пачатак эфіру - у 22:05.
Каб пакінуць каментар, аўтарызуйцеся:
Войти как пользователь
Вы можете войти на сайт, если вы зарегистрированы на одном из этих сервисов: