Афіша “Тэатра Беларускага радыё” на 25–31 мая
25, 26 і 27 мая – радыёкампазіцыя спектакля Нацыянальнага акадэмічнага тэатра імя Янкі Купалы “Праўда добра, а шчасце лепш” па аднайменнай п’есе драматурга Аляксандра Астроўскага. У галоўных ролях: ад аўтара -- народны артыст Беларусі Іван Шаціла, Барабошава Маўра Тарасаўна, купецкая ўдава – народная артыстка Беларусі Вольга Галіна, Паліксена, яе ўнучка -- заслужаная артыстка Рэспублікі Беларусь Таццяна Аляксеева, Гразноў Сіла Ерафеіч, адстаўны унцер-афіцэр – народны артыст СССР Уладзімір Уладамірскі, Філіцата, нянька Паліксены -- народная артыстка СССР Лідзія Ржэцкая, Зыбкіна Пелагея Рыгораўна – артыстка Таццяна Шышалевіч, Зыбкін Платон, яе сын – артыст Юрый Галкін. Год запісу – 1956.
28 мая -- радыёпастаноўка “Клякса-Вакса і Янка з Дзіўнагорска” паводле аднайменнай аповесці-казкі пісьменніка Уладзіміра Ліпскага. Аўтар інсцэніроўкі для радыё Алена Ткачова, рэжысёр Валянціна Кернажыцкая. У галоўных ролях – заслужаная артыстка Рэспублікі Беларусь Наталля Качаткова і Ала Завадская. Год запісу – 1982.
29 і 30 мая -- да 70-годдзя Вялікай Перамогі слухайце радыёкампазіцыю ў дзвюх частках спектакля Нацыянальнага акадэмічнага тэатра імя Янкі Купалы “Цытадэль славы” па п’есе Кастуся Губарэвіча “Брэсцкая крэпасць”. Рэжысёр-пастаноўшчык народны артыст Беларусі Канстанцін Саннікаў. У ролях: ад аўтара – заслужаны артыст Рэспублікі Беларусь Ілля Курган, Калеснікаў – заслужаны артыст Рэспублікі Беларусь Барыс Кудраўцаў, жонка Калеснікава – народная артыстка Беларусі Вера Пола, Ермашоў – народны артыст СССР Уладзімір Уладамірскі, Іванова -- народная артыстка Беларусі Зінаіда Браварская, Аляксей Наганаў – заслужаны артыст Рэспублікі Беларусь Уладзімір Кудрэвіч, капітан Рагулін – заслужаны артыст Беларусі Павел Іваноў, баец Кукушкін – заслужаны артыст Рэспублікі Беларусь Аляксей Бараноўскі, Даша – заслужаная артыстка Беларусі Яўгенія Кавалёва, Райхенаў – народны артыст Беларусі Сцяпан Бірыла, Траўбэ – заслужаны артыст Рэспублікі Беларусь Валянцін Краўцоў. Год запісу – 1951.