Падзяліцца:
4 Студзеня 2016

З 7 студзеня ў “Тэатры Беларускага радыё” пачынаецца “Калядны тыдзень”.

4, 5 і 6 студзеня – радыёпастаноўка “Прыгоды Чыпаліна” паводле аднайменнай аповесці-казкі італьянскага пісьменніка Джані Радары. Рэжысёр – заслужаны артыст Рэспублікі Беларусь Валянцін Краўцоў, музыка Самуіла Ратнера. У галоўнай ролі хлопчыка Чыпаліна – артыстка Маргарыта Громава, тэкст ад аўтара – народная артыстка Беларусі Зінаіда Браварская. Год запісу – 1955.

7 студзеня (час эфіру: 22.05 – 23.40) - радыёспектакль “Калядная рапсодыя” паводле аднайменнага апавядання пісьменніка Уладзіміра Караткевіча. Рэжысёр Валянціна Кернажыцкая. У галоўнай ролі Міколы Ласевіча – артыст Валерый Шушкевіч. Год запісу  1995-ы. А пасля слухайце інсцэніраваную казку драматурга Аляксея Дударава “Блакітны праменьчык”. Рэжысёр Вікторыя Красоўская. У галоўнай ролі – артыстка Рэгіна Дамброўская. Год запісу – 1982.

8 студзеня (час эфіру: 22.05 – 23.40) - радыёкампазіцыя спектакля Нацыянальнага акадэмічнага драматычнага тэатра імя Якуба Коласа “Несцерка” паводле  п’есы драматурга Віталя Вольскага. Рэжысёр-пастаноўшчык Навум Лойтар.  У галоўнай ролі Несцеркі – народны артыст СССР Аляксандр Ільінскі. Год запісу – 1955.

9 студзеня - радыёспектакль “Аповесць пра міжпланетнага пажарніка” паводле  аднайменнай казкі-фантазіі пісьменніцы Раісы Баравіковай. Рэжысёр Валянціна Кернажыцкая, у галоўнай ролі Мамурыка – артыстка Рэгіна Дамброўская.  Год запісу – 1988.     

10 студзеня  - радыёспектакль “Пра подзвігі паноў Кубліцкага ды Заблоцкага”  паводле п’есы драматургаў Пятра Васючэнкі і Сяргея Кавалёва.  Рэжысёр Валянціна Кернажыцкая.  У галоўных ролях:  пан Кубліцкі – артыст Юрый Авяр’янаў, пан Заблоцкі – артыст Уладзімір Кін-Камінскі. Год запісу  - 1991.

Пачатак эфіру ў 22.05.
Каб пакінуць каментар, аўтарызуйцеся:
Войти как пользователь
Вы можете войти на сайт, если вы зарегистрированы на одном из этих сервисов: