Афіша «Тэатра Беларускага радыё» з 22 па 28 ліпеня 2024 года

На працягу тыдня з 22 па 28 ліпеня 2024 года праект «Тэатр Беларускага радыё» прапануе сваім слухачам наступныя радыёпастаноўкі:

22-23 ліпеня – радыёверсія спектакля Нацыянальнага акадэмічнага тэатра імя Янкі Купалы «Гульня ў джын» па п’есе амерыканскага драматурга Дональда Кобурна;

24-26 ліпеня –  радыёспектакль «Севярын і Гражына» паводле паэмы ў прозе пісьменніка Уладзіміра Караткевіча «Чазенія»;

27-28 ліпеня – Да 80-годдзя вызвалення Беларусі ад нямецка-фашысцкіх захопнікаў – радыёверсія спектакля Нацыянальнага акадэмічнага драматычнага тэатра імя Максіма Горкага «Руіны страляюць ва ўпор» паводле дакументальнай аповесці пісьменніка Івана Новікава.

«Тэатр Беларускага радыё» у эфіры кожны вечар з 22.05 да 23.00 (і пасля апоўначы – з 2.05 да 3.00).