Алена Таболіч у праграме «Настрой!», 11.11.2019

Яскравую, таленавітую, харызматычную салістку Вялікага тэатра Беларусі Алену Таболіч без перабольшвання можна назваць майстрам пераўвасаблення. Яе работа ў оперных спектаклях і камерных канцэртных праграмах у зале імя Александроўскай – прыклад высокага прафесіяналізма, майстэрства, глыбокага пранікнення ў музычны матэрыял і любові да сваёй прафесіі. Дарэчы, заўтра Алена Таболіч прэзентуе сваім прыхільнікам новую праграму – музычны монаспектакль «Лики женщины» у пастаноўцы рэжысёра Алены Медзяковай. А сёння спявачка Алена Таболіч – госця праграмы «Настрой!» з Янай Хадоска і Андрэем Сініцам. Пачатак сустрэчы – 11 лістапада ў 13-15.