Гэтыя песні яшчэ ніколі не гучалі на радыё!.. Роўна 30 гадоў таму, у 1986-м, Алесь Камоцкі выдаў свой “Першы сшытак” – альбом, якому наканавана было стаць першым у гісторыі беларускай аўтарскай песні. 16 ліпеня ў “Траекторыі гуку” разам з вядомым выканаўцам слухаем унікальныя запісы і прыгадваем гісторыю іх стварэння. Таксама ў праграме – песні Алеся Камоцкага з альбомаў розных гадоў і новыя балады ў “жывым” выкананні. Пачатак эфіру ў 21:00.
