Анатоль Ярмоленка ў праграме «Настрой!», 16.08.2019

Сёння слухачоў праграмы «Настрой» чакае сустрэча з уладальнікам непаўторнага голасу, рэдкага дыяпазону і яскравага тэмбру, а гэта народны артыст Беларусі, заснавальнік і нязменны кіраўнік ансамбля «Сябры», ганаровы грамадзянін горада Мінска Анатоль Ярмоленка. Ансамбль, які спалучае традыцыі і сучаснасць, і сёння горача любімы публікай у многіх краінах свету. А творчае крэда Анатоля Ярмоленкі – «Не згубіць свае вытокі, душэўныя і маральныя адносіны паміж людзьмі”. Пагаворым з госцем пра сакрэты поспеху, творчыя прыярытэты і многае іншае. Пачатак сустрэчы – 16 жніўня ў 13-15.