Анонс: Да 160-годдзя АДАМА БАГДАНОВІЧА – «ТВОРЧЫ ВЕЧАР» з ГАЛІНАЙ ШАБЛІНСКАЙ, 21.04.2022

Сёлетней вясной спаўняецца 160 гадоў з дня нараджэння бацькі класіка беларускай літаратуры Максіма Багдановіча – Адама Ягоравіча Багдановіча.

Выбітная асоба – этнограф, гісторык, кніжнік мемуарыст – Адам Ягоравіч, канечне ж, уплываў на фарміраванне светапогляду і развіццё таленту свайго геніяльнага сына. І разам з тым – пра спадчыну і лёс Адама Багдановіча можна гаварыць асобна.

«На скрыжалях лёсу». Да 160-годдзя з дня нараджэння этнографа і гісторыка Адама Багдановіча – так вызначана тэма літаратурнага «Творчага вечара».

Госці студыі – супрацоўнікі Літаратурнага музея Максіма Багдановіча: загадчыца сектара ўліку і захоўвання фонду Максіма Багдановіча Алена Кніга і вядучы навуковы супрацоўнік Ірына Мышкавец.

Пачатак эфіру – 21 красавіка ў 21.05.