Анонс: Дзе запатрабавана беларуская мясная прадукцыя? – «Свая зямля», 24.06.2023

Аграрыі Беларусі поўнасцю закрываюць патрэбы ўнутранага рынку ў мясной прадукцыі. Узраслі магутнасці з мадэрнізацыяй перапрацоўчых прадпрыемстваў. Шырыцца відавы асартымент і адрасы экспарту. Адчувальна павялічэнне паставак у Азію, Усход і Афрыканскі кантынент.

У таварнай структуры Аршанскага мяса-кансервавага камбіната павялічаны доля навінак, вырабленых па савецкіх стандартах якасці і бяспекі. Выгадныя кантракты заключаны з партнёрамі Еўразійскага эканамічнага саюза. Адзін з прыярытэтных накірункаў – вытворчасць кансерваў для самых юных спажыўцоў. Дзіцячае харчаванне ў сучасным цэху вырабляюць з высокаякаснай сыравіны. Спецыялізаваныя сельгаспрадпрыемствы ў вырошчванні маладняку не выкарыстоўваюць стымулятары росту, гарманальныя прэпараты і антыбіётыкі тэтрацыклінавай групы.

Ад чаго залежыць стабільны рост вытворчасці мясной прадукцыі? Якія інструменты дапамаглі павялічыць эфектыўнасць дыверсіфікацыі? Як вырашаюцца кадравыя праблемы?

Падрабязнасці ў праграме «Свая зямля» 24 чэрвеня ў 6.25 (паўтор у 23.00).