АНОНС: МЭТАНАКІРАВАНАЯ ПРАЦА І ДОБРАЯ ШКОЛА – НАГОДА ПОСПЕХУ!» – «ТВОРЧЫ ВЕЧАР» з ЯНАЙ ХАДОСКА, 18.08.2021

«Сёння рынак маладых выканаўцаў перапоўнены і трэба паказваць штосьці асаблівае, непаўторнае, каб цябе заўважылі і сталі запрашаць. Мэтанакіраваная праца і добрая школа – нагода поспеху» – лічыць творчая і сямейная пара ЮЛІЯ АРХАНГЕЛЬСКАЯ і АЛЯКСАНДР ПАЛЯКОЎ.

Маладыя, таленавітыя піяністы, лаўрэаты шматлікіх міжнародных конкурсаў шмат працуюць, шукаюць уласную музычную мову і стыль. Да таго ж, АЛЯКСАНДР ПАЛЯКОЎ з нядаўняга часу ўзначальвае адну з прэстыжных навучальных устаноў Беларусі – Рэспубліканскую гімназію-каледж пры Беларускай дзяржаўнай акадэміі музыкі, перадае свой вопыт маладым.

Пра новы сезон, творчыя праекты, мары і многае іншае з ЮЛІЯЙ АРХАНГЕЛЬСКАЙ і АЛЯКСАНДРАМ ПАЛЯКОВЫМ – у праграме «Творчы вечар» з ЯНАЙ ХАДОСКА.

Пачатак эфіру – 18 жніўня ў 21:05.