АНОНС: МІЖНАРОДНЫ АРФАВЫ ФЕСТЫВАЛЬ ПРЫМАЕ СТАЛІЦА БЕЛАРУСІ – «НАСТРОЙ!», 14.11.2021

У Беларускай дзяржаўнай філармоніі 18-га лістапада ўрачыста адкрыецца Міжнародны арфавы фестываль «Дзве сталіцы. Мінск – Масква».

Фестываль пачаў сваю гісторыю з серыі канцэртаў, праведзеных у паўночнай сталіцы Расіі – Санкт-Пецярбургу, а ў 2019 годзе «Дзве сталіцы» атрымлі статус міжнароднага фестывалю пасля выканання канцэртаў у сталіцы Італіі – Рыме.

Сёлета лепшыя арфісты з Расіі і Беларусі будуць дэманстраваць арфавае выканальніцкае майстэрства на канцэртных пляцоўках нашай сталіцы. У праграме – музыка кампазітараў розных эпох.

Куратар праекта, знакамітая арфістка ВЕРАНІКА ГРАБОЎСКАЯ і ўдзельнікі фестывалю ЯСНА і ЛЕТА ГЛОТАВЫ, ДАР’Я МІКУЛІК і МАР’ЯНА БЕЙНЯ – госці праграмы «Настрой!» з ЯНАЙ ХАДОСКА – 14 лістапада ў 13.20.