Анонс: ПЕРАВАГІ БЕЛАРУСКАЙ СЕЛЕКЦЫІ – «Свая зямля», 10.09.2022

У Мінсельгасхарчы разам з вучонымі прааналізавалі папярэднія вынікі жніва. Азімыя сёлета апраўдалі затраты і забяспечылі асноўную прыбаўку да валавога збору збожжа. На ўрадлівых глебах больш за 100 цэнтнераў склала рэкордная ўраджайнасць. У рамках імпартазамяшчэння назіраецца павелічэнне долі беларускіх сартоў і гібрыдаў, а яны больш устойлівыя да перападаў тэмпературы. У структуры збожжавых і зернебабовых прыярытэтнае месца належыць айчыннай селекцыі, а дакладней – 80%.

Вучоныя рэспубліканскага навукова-практычнага цэнтра па земляробстве НАН Беларусі дадатковыя рэзервы бачаць у сістэме дакладнага земляробства. Нельга прапускаць ніводзін аграпрыём. Комплексны падыход гарантуе павелічэнне ўраджайнасці і змяншэнне затрат.

Якія памылкі спецыялістаў прыносяць страты? Чаму некаторыя гаспадаркі сёлета не дабралі збожжа? Якая тэхніка заўтра прыйдзе на палеткі?

На гэтыя і іншыя пытанні адкажуць госці праграмы «Свая зямля» 10 верасня ў 6.25 (паўтор у 23.00).