Анонс: «Пра супольныя праекты коласаўцаў і не толькі» – «Творчы вечар» з Галінай Шаблінскай, 10.09.2024

«Юбілейны ракурс. Да 65-годдзя Дзяржаўнага літаратурна-мемарыяльнага музея Якуба Коласа» – так вызначана тэма літаратурнага «Творчага вечара». 

У юбілейны год музея класіка пра яго гісторыю і сучасныя ініцыятывы расказываем нашым слухачам разам з удзельнікамі эфіру кожны другі аўторак месяца. На гэты раз пра тое, чым сёння цікавы музей наведвальнікам.

Госці студыі: супрацоўнікі навукова-асветніцкага аддзела Коласаўскага музея Алена Жасткова і Дар'я Пратасевіч, намеснік дырэктара Гісторыка-культурнага музея-запаведніка «Заслаўе» Ксенія Сямашка.

«Творчы вечар» у эфіры – 10 верасня ў 21.05.