Анонс праграмы «Настрой!» на 22 ліпеня 2019 года

У багатым рэпертуары тэатра-студыі кінаакцёра Нацыянальнай кінастудыі «Беларусьфільм» – цудоўныя спектаклі на розны густ. На яго сцэне атрымалі творчае жыццё творы і сусветнай, і беларускай драматургіі. Спектаклі тэатра маюць добрыя водгукі. Іх любяць і гледачы, пра што сведчыць запатрабаванасць пастановак, якія ідуць на сцэне некалькі дзесяцігоддзяў. Чым жыве сёння тэатр, чым ганарыцца, якія цікавыя падзеі адбыліся ў сёлятнім сезоне? Пра гэта ў праграме «Настрой!» 22 ліпеня мы паразмаўляем з дырэктарам тэатра Алай Сцебаковай.