АНОНС: СТВАРАЛЬНІКІ ДЭТЭКТЫЎНАГА РАДЫЁСЕРЫЯЛА ў ПРАГРАМЕ «ТВОРЧЫ ВЕЧАР» з ГАЛІНАЙ ШАБЛІНСКАЙ, 11.11.2021

Да 96-й гадавіны Беларускага радыё на Першым нацыянальным канале адбудзецца прэм’ера. Наш новы пастановачны праект упершыню рэалізаваны ў жанры радыёсерыяла. У аснове пастаноўкі – аповесць Жоржа Сіменона «Мэгрэ і чалавек на лаўцы» з яго найпапулярнага цыкла твораў пра камісара паліцыі Мэгрэ. Радыёп’еса напісана Уладзімірам Сцяпанам паводле перакладу аповесці Сіменона на беларускую мову Алеся Асташонка. У пастаноўцы заняты два дзясяткі артыстаў вядучых беларускіх тэатраў. Музыка кампазітара Дзмітрыя Далгалёва гучыць у выкананні сімфанічнага аркестра Белтэлерадыёкампаніі, дырыжор Аляксандр Высоцкі.

Наша прэм’ера – не толькі захаванне традыцый «Тэатра Беларускага радыё», але і пошук новых пастановачных форм менавіта ў аўдыяфармаце. Пры гэтым застаецца галоўны прынцып – за аснову мы бяром якасную літаратуру. Сіменон – не проста майстра сусветнага дэтэктава, для пісьменніка важны сацыяльна-псіхалагічны аспект злачынства, яго Мэгрэ даследуе найперш чалавечую душу.

Удзельнікі «Творчага вечара»:

рэжысёр пастаноўкі Алег Вінярскі,

кампазітар Дзмітрый Далгалёў,

артысты Аляксандр Вергуноў і Кацярына Крылова,

заслужаны артыст Рэспублікі Беларусь Андрэй Душачкін.

Слухайце прэм’еру дэтэктыўнага радыёсерыяла «Мэгрэ і чалавек на лаўцы» на Першым нацыянальным канале Беларускага радыё штодня з 15 па 28 лістапада ў ранішнім эфіры ў 10.10 і ў вячэрнім эфіры ў 20.20, а таксама на сайце радыё.бел.

«Творчы вечар» у эфіры – 11 лістапада ў 21.05.