АНОНС: Актрыса тэатра і кіно Ала Проліч у праграме «Творчы вечар» з Янай Хадоска, 4.03.2020

«Тэатр – гэта сумесная творчасць акцёраў і гледачоў. Адрэналін, які ты атрымліваеш на сцэне і энергія залы не параўнальныя ні з чым», – кажа актрыса тэатра і кіно, заслужаная артыстка Беларусі Ала Проліч.

Шмат гадоў Ала Проліч аддана служыць свайму роднаму Тэатру-студыі кінаакцёра Нацыянальнай кінастудыі «Беларусьфільм». Яе творчасць характарызуецца поўным паглыбленнем ў драматургію, дакладным адчуваннем сітуацыі і партнёра, а тэмперамент і пластычнасць сведчаць аб незвычайным таленце.

Заслужаная артыстка Беларусі Ала Проліч — госця аўтара праграмы «Творчы вечар» Яны Хадоска – 4 сакавіка ў 21-05.