АНОНС: ЗНАЙСЦІ КАНТАКТ З ЖЫВЁЛАМІ НА РАДАСЦЬ ПУБЛІЦЫ – «НАСТРОЙ!», 18.06.2021

На арэне Белдзяржцырка працягваюцца гастролі Маскоўскага цырка Нікуліна на Цвятным бульвары. Кожнае новае шоу – гэта вынік карпатлівай штодзённай працы ўсёй цыркавой трупы. Лепшыя з лепшых артысты рыхтуюць гледачам яскравыя нумары, якія надоўга застаюцца ў памяці, многія з іх становяцца «залатой» старонкай цыркавога мастацтва свету.

У галерэі цудоўных артыстаў і АЛЕНА ПАЎЛОВІЧ – тытулаваная дрэсіроўшчыца каней. Яна кажа: «З жывёламі неабходна знайсці кантакт, агульную мову, зрабіць так, каб яны бачылі ў вас сябра і аднадумца».

Сакрэтамі цыркавога закулісся АЛЕНА ПАЎЛОВІЧ падзеліцца ў праграме «Настрой!» з ЯНАЙ ХАДОСКА і АНДРЭЕМ СІНІЦАМ – 18 чэрвеня ў 14.20.