Апавяданні Івана Пташнікава “Алені” і “Алёша” - ў праекце "Радыёсерыял" з 23 па 31 жніўня 2017 года

Іван Пташнікаў - лаўрэат Дзяржаўнай прэміі Беларусі, адзін з класікаў беларускай прозы. Яго раманы “Чакай у далёкіх Грынях”, “Алімпіяда”, “Мсціжы” добра вядомы аматарам літаратуры. Гэта творы аб простых вяскоўцах і іх часам няпростым лёсе, пошуках сваёй сумленнай дарогі ў жыцці, любові да роднай зямлі і прыроды. З 23 па 31 жніўня 2017 года ў нашым эфіры ў выкананні артысткі Рэгіны Дамброўскай прагучаць апавяданні Івана Пташнікава “Алені” і “Алёша”. Праграма “Радыёсерыял” выходзіць па буднях у 23.40.