Белдзяржуніверсітэт культуры і мастацтваў рыхтуецца да юбілею! - "Творчы вечар" з Янай Хадоска

Патрабаванні, якія прад'яўляе сучаснае грамадства да спецыялістаў з вышэйшай адукацыяй у галіне харэаграфічнага мастацтва, у апошнія гады істотна павысіліся. Шматгранная, насычаная рознымі формамі, напрамкамі і стылямі – гэта беларуская харэаграфія сёння.

Спецыялісты вядуць пошук новых выразных сродкаў, удасканальваюць свае магчымасці ў незвычайных сферах. Рыхтуе такія кадры кафедра харэаграфіі Беларускага дзяржаўнага ўніверсітэта культуры і мастацтваў. Дарэчы, хутка ўстанова будзе адзначаць свой юбілей. Менавіта пра юбілейныя ўрачыстасці і дасягненні кафедры харэаграфіі мы пагаворым з прадстаўнікамі ўніверсітэта – загадчыцай кафедры, кандыдатам філалагічных навук, прафесарам Святланай Гуткоўскай, дацэнтам Міхаілам Камінскім і старшым выкладчыкам Паўлам Стрэльчанкам.

"Творчы вечар" з Янай Хадоска - 22 ліпеня ў 21-05.