Беларускае радыё праводзіць дабрачынную акцыю, прысвечаную 70-й гадавіне Перамогі

30 красавіка Першы нацыянальны канал Беларускага радыё арганізуе дабрачынную акцыю для ветэранаў Вялікай Айчыннай вайны ў рамках рэспубліканскага праекта "Кветкі Вялікай Перамогі". Журналісты сумесна з прадстаўнікамі Рэспубліканскай асацыяцыі "Белсадпитомник", Беларускага саюза жанчын, міжнароднай арганізацыі "Дыялог Еразия" возьмуць удзел у закладцы фруктовага саду ў вёсцы Волма Дзяржынскага раёна. Будуць высаджаны каля паўсотні саджанцаў яблынь і груш новых гатункаў беларускай селекцыі. У пасадцы дрэў прымуць актыўны ўдзел і ветэраны, якім будуць уручаны каштоўныя падарункі.