"Бонус": Які дзень тыдня - ваш любімы?

Вучоныя высветлілі, што у аўторак нараджаецца больш за ўсё дзяцей - і з гэтым ніхто не спрачаецца. А ўчора быў панядзелак - і яго лічаць самым цяжкім днём тыдня, хаця дарэмна. Усё той жа аўторак - цяжэйшы.  Напрыклад, брытанскія спецыялісты  прыйшлі да вываду, што менавіта ў панядзелак у большасці людзей назіраецца  максімальная працаздольнасць.  А вось мінімальнай яна становіцца ужо ў 16 гадзін аўторка, так што ўсе самыя важныя і складаныя справы лепш рабіць у першы дзень тыдня, прычым раніцай. 

Пік падаўленага настрою прыйшоўся на сераду. Чаму?.. Будзьце з намі  ў праграме “Бонус” (16 чэрвеня, 17:35),  мы якраз пра дні тыдня і пагаворым. А ў вас ёсць любімыя? Магчыма, па панядзелках вы ходзіце з сябрамі ў лазню, а па пятніцах адпраўляецеся на прыроду?.. Можа, па аўторках сустракаецеся з каханым чалавекам, а па суботах  ваша бабуля запрашае вас на смачныя пірагі?..