"Бонус": Ці лёгка знайсці агульную мову з людзьмі?

Усе ведаюць  біблейскую легенду аб Вавілонскай вежы, згодна з якой  пасля Сусветнага патопу чалавецтва было прадстаўлена адным народам, які размаўляў  на адной мове. З  усходу людзі прыйшлі на зямлю Сенаар (паміж рэкамі Тыгр і Еўфрат), і вырашылі  пабудаваць там горад Вавілон і ўзвесці  ў ім вежу вышынёй да нябёсаў, каб “зрабіць сабе імя” (цытата).

Будаўніцтва вежы было  спынена Богам, які стварыў мноства новых моў для розных людзей, з-за чаго яны перасталі разумець адно аднаго і не змаглі ўжо  працягваць будаўніцтва і горада,  і вежы,  а разыйшліся па ўсёй зямлі.  Так гісторыя  аб Вавілонскай вежы тлумачыць з’яўленне розных моў пасля Сусветнага патопу.

А вам лёгка знайсці агульную мову  з блізкімі ці далёкімі людзьмі?.. Што  ў гэтым дапамагае?.. Мы вырашылі пагаварыць пра гэта, бо якраз  26 ліпеня - Міжнародны дзень “эсперанта”. Гэтая мова якраз і была задумана, каб усе адно аднаго разумелі. Вашы  меркаванні чакаем  у праграме “Бонус” (26 ліпеня, 18:00).