"Бонус": Любімыя стравы з бульбы

Падзяліцца:
28 ліпеня 2015
Па некаторых версіях, менавіта 28-га ліпеня (было гэта ў 1586 годзе) у Еўропу трапіла першая бульбіна. З Калумбіі яе прывёз англічанін Томас Хэрыят. Брытанцы лічаць, што менавіта яны  адкрылі каштоўнасць бульбы і зрабілі яе здабыткам еўрапейскай кухні. Аднак спачатку еўрапейцы ўспрымалі  бульбу як  рэдкую экзатычную расліну і саджалі ў батанічных садах. У 17 стагоддзі заморская гародніна пачала пранікаць і ў кухню. Прызнанню бульбы ў Еўропе паспрыялі галодныя гады, выкліканыя неўраджаем  зерня. Прускі кароль  Фрыдрых Вільгельм паспрабаваў зламаць непрыязнасць сялян да заморскай госці: ён загадаў бясплатна раздаваць сялянам клубні бульбы. А  французскі  даследчык прыроды Антуан Парманцье прыдумаў  яшчэ адну хітрасць: бульбу саджалі на дзяржаўных землях і арганізоўвалі ахову "плантацый" у дзённы час. Ноччу ж вартаўнікі ішлі спаць, а тым часам сяляне выкопвалі ўраджай. Так бульба  хутка распаўсюдзілася па Францыі а  потым і па ўсёй Еўропе. Што ўжо казаць пра нас:  суседзі з  блізкага замежжа  беларусаў наогул называюць бульбашамі. 
А  ў вас ёсць любімыя стравы з бульбачкі? І ці ёсць нейкі прадукт, які змог бы яе замяніць? Чакаем вашых меркаванняў у праграме “Бонус” 28 ліпеня ў 17.35. 
Каб пакінуць каментар, аўтарызуйцеся:
Вярнуцца