Падзяліцца:
27 Ліпеня 2015

У Фінляндыі сёння адзначаюць дзень соні. Напрыклад, жырафе, каб выспацца трэба ўсяго дзве гадзіны; некаторыя з іх могуць драмаць па 10 хвілін за гадзіну - і гэтага дастаткова: так бы мовіць, працоўны графік жырафы працягваецца. Львы, наадварот,  спяць да 20 гадзін у суткі, дэльфіны маюць палавінчаты сон: адна палова мозгу спіць, другая адпачывае.  Марскія выдры, калі спяць на вадзе, выглядаюць вельмі міла: яны трымаюць адно аднаго за лапкі, каб не згубіцца.


Мы з вамі таксама любім паспаць, і чым маладзейшы арганізм, тым больш  сна яму неабходна для   адпачынку. Нованароджаныя спяць  14-17 гадзін за  суткі, падлеткі - 10-13, юнакі і дзяўчаты - 7-9, людзі старэйшыя за 65 гадоў - 7-8 гадзін. Хаця  усё індывідуальна. Як сказаў Напалеон: ”Геніі спяць 4 гадзіны, простыя смяротныя - 6, а  неразумныя - 8”. Як вядома, сам ён спаў 4 гадзіны, але і гэта не паказчык: Альберт Эйнштэйн спаў па 11 гадзін за суткі.


А вам колькі гадзін сна трэба, каб поўнасцю аднавіць сілы?.. Раскажыце пра свае сакрэты рэлаксацыі ў праграме “Бонус” 27 чэрвеня ў 17:35. 

Каб пакінуць каментар, аўтарызуйцеся:
Войти как пользователь
Вы можете войти на сайт, если вы зарегистрированы на одном из этих сервисов: