"Бонус": Ці памятаеце вы зло?

У псіхалагічнай літаратуры  спрэчным з'яўляецца пытанне  аб тым, якія падзеі лепш захоўваюцца ў памяці - станоўчыя ці адмоўныя. Адны спецыялісты прыйшлі да выcновы, што непрыемныя: наша асцярожнасць, - кажуць яны, -  як раз і трымаецца  на непрыемным вопыце. Але большасць  усё ж такі  думаюць інакш, асабліва прадстаўнікі псіхааналізу. У рамках гэтай тэорыі эмоцыі як раз і вызначаюць усё функцыяніраванне памяці.

Напрыклад, Фрэйд у сваіх даследваннях звяртаўся да паўсядзённага жыцця і аналізаваў факты забывання. Ён сцвярджаў, што мозг  падсвядома  альбо актыўна затарможвае,  альбо выцясняе са сваёй памяці адмоўныя ўспаміны, якія не даюць  яму  нармальна жыць.