Што перашкаджае ўпэўнена стаяць на зямлі? — «Свая зямля», 17.02.2018

У Год малой радзімы сельгаспрадпрыемствы Клецкага раёна комплексна падышлі да навядзення парадку на зямлі, добраўпарадкавання населеных пунктаў. Ні адна вёска не знікне з карты раёна. Райвыканкамам падтрыманы прапановы па рэканструкцыі вытворчых і сацыяльных аб'ектаў, зацверджаны праекты па будаўніцтве сучасных дамоў. Ці дастаткова сёння паўнамоцтваў у мясцовай улады для вырашэння зямельных пытанняў, а таксама лёсу пустуючых дамоў і будынкаў? Свой пункт гледжання выкажа старшыня Клецкага райвыканкама Генадзь Салавей у праграме «Свая зямля» — 17 лютага, у 6-20, на Першым нацыянальным канале Беларускага радыё.