«Дрэва жыцця класіка. Да Дня нараджэння Максіма Багдановіча» – «Творчы вечар» з Галінай Шаблінскай

Маладосць і геніяльнасць – якраз тыя дзве дамінанты, што вызначаюць творчы лёс Максіма Багдановіча. Усяго 26 няпоўных гадоў было адмерана яму лёсам і ўжо другое стагоддзе Паэт разам з намі – у слове, песнях, думках. Зорка «Максіма-кніжніка», як называлі Багдановіча асобныя даследчыкі, дасюль прыцягвае сваёй таямнічасцю і унікальнасцю творчага шляху. Яго адзіны паэтычны зборнік «Вянок» застаецца ўзорам высокага спалучэння зместу і формы.

«Дрэва жыцця класіка. Да Дня нараджэння Максіма Багдановіча» – так вызначана тэма літаратурнага «Творчага вечара». Госці студыі – загадчык Літаратурнага музея Максіма Багдановіча Міхась Бараноўскі і вядучы навуковы супрацоўнік музея Ірына Мышкавец.

«Творчы вечар» у эфіры 3 снежня ў 21.05 на хвалі Беларускага радыё.