«Ці думала Еўропа, што будзе так?» – прафсаюзы пра сітуацыю ў еўрапейскіх крамах

Намеснік старшыні Федэрацыі прафсаюзаў Беларусі Вадзім Грачоў у эфіры праекта «Актуальны мікрафон» на Беларускім радыё падкрэсліў: «дзякуючы ўзважанай палітыцы, якая выбудоўвалася на працягу ўсяго часу, мы сышлі ад гэтых пустых паліц, а Еўропа да гэтага прыйшла ў сілу сваіх неабдуманых дзеянняў».

Прадстаўнік ФПБ таксама нагадаў, што Беларусь папярэджвала аб наступствах аднабаковых санкцый. «Мы яшчэ летась казалі: перастаньце прымаць аднабаковыя санкцыі ў дачыненні да нашых прадпрыемстваў. Аднабаковыя санкцыі ніколі ні да чаго добрага не прыводзілі. Сёння Еўропа адчула на сабе, як гэта», – падкрэсліў эксперт.