Эдуарда Сямёнавіч Ханка з юбілеем віншуе праграма «Творчы вечар» з Віктарам Кісцянём (відэа+аўдыё)

Народны артыст Беларусі, кампазітар Эдуард Ханок адзначае 18 красавіка 80-гадовы юбілей. Сапраўдная легенда савецкай эстрады, у свае гады ён не спыняе актыўную дзейнасць – стварае новыя песні, распрацоўвае «тэорыю творчых хваляў», выступае на канцэртах.

Напярэдадні дня нараджэння адбылася творчая сустрэча з юбілярам у Беларускім саюзе кампазітараў, дзе прысутнічаў і аўтар праекта «Творчы вечар» Віктар Кісцень. Эдуард Сямёнавіч распавёў пра творчыя прыгоды і разам са слухачамі праспяваў некаторыя з самых папулярных сваіх песен.