Эксперт: адносіны Мінска і Масквы трэба разглядаць як доўгачасовы інвестыцыйны і інтэграцыйны праект (аўдыё)

Беларусь не супраць правядзення чарговага пасяджэння Вышэйшага дзяржаўнага савета Саюзнай дзяржавы, але на ім павінны быць прыняты рашэнні па шэрагу канкрэтных пытанняў. Гэта заявіў Прэзідэнт Аляксандр Лукашэнка на нарадзе па актуальных пытаннях развіцця краіны. Кіраўнік дзяржавы паставіў канкрэтную задачу перад прэм'ер-міністрам і міністрам замежных спраў: падрыхтаваць парадак дня пасяджэння ВДС і пазначыць там карэнныя пытанні, якія павінны сёння вырашацца. Як адзначыў у інтэрв'ю Беларускаму радыё намеснік старшыні Беларускай навукова-прамысловай асацыяцыі Георгій Грыц, - адносіны Беларусі і Расіі трэба разглядаць як доўгачасовы інвестыцыйны і інтэграцыйны праект.