Электронны гандаль – “Дзелавы радыёпартал” (аўдыё)

E-commerce, альбо электронны гандаль – самы хуткарастучы сегмент эканомікі ў свеце. У Беларусі сёння каля 3% рознічнага тавараабароту прыпадае на інтэрнет-пакупкі. Для параўнання, прыкладна такі ж працэнт рынку займае E-commerce ва Украіне, а ў развітых краінах доля рынку дасягае 10-15%. Як бачым, задзел для росту электроннага гандлю каласальны. Актуальнае сёння пытанне – якім чынам лепш арганізаваць такі гандаль? Спецыялісты лічаць, што аснова росту электроннай камерцыі – за маркетплэйсамі. Меркаваннямі на гэту тэму з вядучай праграмы “Дзелавы партал” Вольгай Сямашка дзеляцца генеральны дырэктар EVO.company Мікалай Паліенка, кіраўнік аддзела развіцця маркетплэйсаў EVO.company Іван Партной і сузаснавальнік і кіраўнік анлайн-сервісу kabanchik.by Раман Кірыгетаў.